Kirkjuprakkarar í Grensáskirkju eru á aldrinum 6-9 ára (1.-4. bekk). Það er ókeypis að taka þátt. Umsjónarmenn starfsins og leiðtogar sækja börnin sem skráð eru yfir í Krakkakot, frístundarheimili Hvassaleitisskóla og fylgja þeim yfir í Grensáskirkju, sé þess óskað. Börn sem ekki eru í Hvassaleitisskóla geta mætt beint í Grensáskirkju. Að starfinu loknu er börnunum fylgt í frístundaheimilið eða forráðamenn sækja börnin í kirkjuna eða þau bjarga sér heim.
Hvar?
Í Grensáskirkju, safnaðarheimilinu og kirkjunni. Gengið inn um aðaldyr kirkjunnar.
Hvenær?
Á þriðjudögum kl. 15:00-16:30 og einn sunnudag kl. 11:00.
Kærleikur og vinátta með Jesú í skapandi leik, LEGO og list.
Yfirskriftin að þessu sinni er Kærleikur og vinátta með Jesú í skapandi leik, LEGO og list. Við munum kynnast lífi og starfi Jesú Krists og efla vináttuna og tjá kærleiksboðskapinn í gegnum leik, LEGO og listir. Við lesum nokkrar Biblíusögur, föndrum, spjöllum, byggjum með LEGO kubbum og leikum okkur saman.